گئجه نغیلی
گئجه نغیلی
جوجهلر
بیرگون واریدی بیرگون یوخیدی. آللاهدان سورا هئشکس یوخیدی. رهلی جوجهلر قوطی ایچینده جوح جوح دییه دییه بیربیرلرینین تپهسینه دیرماشیردیلار. چؤهرهای (صورتی) رنگده جوجه بیردن دئدی: جیک جیک جیک جیکـــیم بو عدالتسیز دونیانی کی ارکک اولدوغوموز اوچون گرح دلقک قیلیغینا چیخیب قور قودوغون اویونجاغی اولاخ
{گؤی جوجه} جیک جیک یوخ جوح جوح! {صورتی جوجه} سنی ده جیکیم!
{گؤی جوجه} آآآ! هم کتدی سن هم بیتربیت!
{صورتی جوجه} آللاهیم منی نهلرینن ایمتاحانا چکیرسن؟ نیه من صورتی اولدوم، آمما بو هموسئکسوئل گئده گؤی رنگده؟
{آغ جوجه} دوستلار بیهوده بحثلرینن اؤزوزو یورمویون. بیز هامیمیز بیروخ، بیزی رهلهدیلر … بیزی رهلهدیلر.
{یاشیل جوجه} آللاهیزا شوکر ائلین کی هله دیریسیز.
{صورتی جوجه} اوبیریلر نه اولدولار؟
ساری جوجه تیتریه تیتریه، گؤزلری یومولا یومولا دئدی: هامیسین اؤلدوردولر … هامیسین اؤلدوردولر … اؤز گؤزلریمینن گؤردوم. بیزده اؤلهجاغوخ، هامیمیز اؤلهجاغوخ، بو زهر یاواش یاواش جانیمیزا ایشلیر.
{صورتی جوجه} آللاهیم! نولاردی منی تویوخ یارادئدین؟!
{یاشیل جوجه} اوندا دا یا گرح یومورتاماخدان گؤتون آچیلئیدی یا دا ۴۰ گون سونرا تویوخ پیلو اولموشدون. آللاهیزا شوکر ائلین فقط.
قیرمیزی جوجه کی بوراجان ساکیت ایدی، بیردن دئدی: جوح دوروح دوروح!
جوجهلر جواب وئردیلر: جوراختور!
و بئلهلیغینان بیزیم نغیل ده قوتولدو.
- ۹۶/۰۱/۲۲